蔡少芬去踢館 張晉唔知老婆咁好舞功

20200705
東網電視
更多新聞短片
蔡少芬話自己係跳舞出身時,老公張晉即時呆咗。
藝人蔡少芬、謝娜、郎朗老婆Gina Alice(吉娜愛麗絲)和張歆藝等有份演出的大陸綜藝節目《妻子的浪漫旅行》第四季,今次講到佢哋組團去踢館,話要踩近期熱爆嘅綜藝節目《乘風破浪的姐姐》場。
各位太太好努力向跳唱進軍,蔡少芬仲揚言自己係跳舞出身,即時被張晉質疑。而張歆藝就好自信話舞蹈底子深厚,她同樣被老公取笑。
幾位靚太由導師金翰指導學跳女團舞,期間笑料百出,蔡少芬四肢不協調,舞姿嚇親人,其他太太更無從入手,老公們睇到影片時笑到肚痛,但老婆咁落力學,點都話要支持去踢館。