呢架係咩車?點解咁多紐約人鍾意? 

20200706
東網電視
更多新聞短片
大家估吓:呢架出現於紐約街頭的流動車,係搞邊科?(互聯網)
上圖的流動車雖不是美國電影中常見的熱狗車或雪糕車,但出現在紐約街頭後卻大受歡迎。究竟佢係咩車咁特別?答案原來是:一架拯救指甲的流動美甲車。
話說受到新冠肺炎(COVID-19)疫情影響,好多當地人都Stay Home減少外出修甲。但日子一久就開始唔耐煩,尤其當指甲形狀愈來愈醜怪,又長晒倒刺時,就更想衝出家門搵美甲師幫手修一修!有見及此,葡萄酒品牌Baby Wine日前特別打造了一架流動車,在疫情流行期間向紐約人提供免費修甲服務。
睇番呢架粉紅色流動車,其實也經過特別設計,前端設有亞加力膠窗和切口,讓市民在修甲時可以伸出雙手。不過為安全起見,大家都要守規矩,除了必須戴口罩外,在車外排隊輪候時也要保持6尺距離的Social Distance。而美甲師就要戴齊面罩、安全眼鏡,甚至穿着防護工作服和無菌手套,絕對重裝備!聽落雖然好麻煩,但流動車一出,不但即時大受歡迎,在社交平台上亦引起熱烈反應。看來當地人除了Stay Home悶到嘔,好想出街外,都真係好想美甲!原來扮靚真係會大過天,連疫情都擋不住!