王浩信37歲生日晒爆肌照　陳自瑤鬧爆搶人老公

視帝王浩信今日37歲生日，過咗凌晨12點佢已經急不及待更新社交網，佢上載一張黑白爆肌照，留言：「今年給自己的生日禮物，在忙碌的拍攝進程，盡了全力，知道未是最好，但留下了一個記錄，一個里程碑，人生其中一件想做的事！感恩遇到角色需要的鞭策，繼續努力，繼續成長！」相中嘅佢半裸上陣，大晒8舊肌肉，Fit到漏油！

唔少圈中好友都送上祝賀，包括舊拍檔朱千雪、陳敏之、楊潮凱、陳山聰、黃智雯、姚子羚等，不過就唔見老婆陳自瑤有所表示，相反無論劇中定劇外同陳自瑤一樣好姊妹嘅連詩雅都有留言「Happy Birthday」！

另邊廂，陳自瑤發文鬧爆：「女人我見得多，好似你咁賤格既我都係第一次見，咁多男人唔仲意，係要鍾意搶人老公嘅……????、「點解呢個世界咁多綠茶婊」、「不知廉恥」，齋睇文字真係嚇親人，原來佢係講緊《那些我愛過的人》啫！劇中佢為連詩雅出頭鬧第三者崔姑娘（麥皓兒飾），唔少網民都大讚佢做得好好呀！