王寶強冇否認再婚　模特兒女友走晒樣

內地男星王寶強因新模特兒女友馮清被發現進駐男友辦公室，即傳出王寶強再婚的消息，雖然前妻馬蓉話冇聽過，不過依然無阻王寶強與馮清拍拖仔，二人又再次被拍得一同現身工作室，當日王寶強打扮着晒鑲鑽上衣，閃爆與素顏馮清現身，不過馮清就走晒樣，與平時見到嘅Model Look出入好大。

王寶強全程墨鏡Chok住見人，過程中雖然兩人未有多說話，但默契十足，快手快腳就入咗工作室。二人頻頻返公司見面，令再婚傳聞更加似層層，似乎更令人肯定馮清已加入王寶強工作團隊，唔知遲吓會唔會有好消息公布呢？