曾被批有公主病!19歲「後生女」升呢拍《姊妹淘》

2020年07月07日 15:02
東網電視
更多新聞短片
係時候要變喇…
無綫節目《姊妹淘》2011年首播做咗3輯,但5月時突然停播,正當大家都以為壽終正寢時,終於傳來「翻生」好消息,有指會喺今個月開第4輯,主持仲愈嚟愈Young,一班「Auntie」莊思敏、雨僑、吳若希、葉翠翠、楊秀惠等都做晒人妻人母要退位,換上一班《#後生仔傾吓偈》靚女!
有份拍《姊妹淘》嘅包括為人認識嘅杜穎珊(Sandy)、黃凱儀(波波)、羅詠怡(Kosa)、陳欣茵、黃芷欣、鄧伊程等,而當中最嫩口嘅就係只有19歲嘅呂靜文(Bonnie)!
Bonnie千禧年出世,係咁多位中年資最短嘅一個,報稱冇男友!雖然讀緊香港專上學院修讀酒店管理課程,但已急不及待踩入娛樂圈,喺2月時加入《#後生仔》做KOL主持,仲有拍過資訊節目《X偏方 全民拆解》。不過因為冇乜經驗,初時曾被一眾主持批有「公主病」、「扮天真」等,佢就解釋被指有公主病可能係因為「唔識煮飯」!雖然係咁,但已極速上位,短短幾個月有唔少工作機會,早前仲幫戴祖儀拍攝MV!
可能尚算年輕,社交網未有太多相,而且都係好保守,不過有時都好識做,對鏡賣萌大擺甫士,仲騷吓長腿添!