聞老公王浩信生日　陳自瑤咁回應

連詩雅、陳自瑤、蘇皓兒等在將軍澳電視城為無綫劇集《那些我愛過的人》宣傳。劇集進入結局篇，黃翠如、連詩雅與陳自瑤因拍劇成為閨蜜。

連詩雅、陳自瑤接受訪問時也大感不捨，連詩雅說：「其實之前拍攝到最後一日，自己都忍唔住攬住Yoyo喊，今日亦有呢一個感覺，諗番起拍攝時候嘅回憶。」陳自瑤指今日亦打扮成劇中角色亮相，最開心是拍劇而認識了一班好朋友，三人不時在群組聯絡。

連詩雅被問到可希望三人再合作？她說：「好呀，想做一個真人騷，因為我哋三個加埋一定會有化學作用，好似《兩個小生去camping》咁變做《三個花旦去shopping》呀。」陳自瑤笑說：「我哋三個走埋一齊一定會有火花，我哋三個都超低能，之前拍公司嗰啲IQ題嘅節目都已經好低能。」講到老公王浩信生日怎樣慶祝？陳自瑤則煞有介事指私人事不回答了。