《殺手》疑裝假狗　麥明詩導彈胸教彈琴

無綫劇集《殺手》正在熱播，飾演視障鋼琴老師嘅麥明詩，經常喺劇中晒琴技，擁有八級鋼琴資格嘅佢，趁唔使埋位拍劇時，擔任江美儀嘅臨時鋼琴老師。

今日佢喺社交網上載當時嘅拍攝花絮，見佢教江美儀時循循善誘，唔使一陣江美儀已經成功彈到，非常成功，麥明詩留言：「獎粒星畀我個乖學生，你哋識唔識彈呢首歌？」而江美儀則賣口乖：「多謝老師教導！」

不過唔少網友竟然將重點唔係欣賞江美儀彈成點，而係指麥明詩身材太勁，着小背心都睇到佢波濤洶湧，非常「凸」出，但亦有網友質疑佢「裝假狗」！