【05年港男港姐冠軍】高鈞賢葉翠翠撐枱腳

藝人高鈞賢同葉翠翠分屬2005年港姐及港男冠軍，經常孖公仔亮相無綫各大活動，因而傳出緋聞，雖然係咁，但過咗咁多年之後，大家各有發展，翠翠早年下嫁圈外建築師男友周曉東（Raymond），並誕下三子。

高鈞賢離開無綫後北上發展，近期因為同親友慶祝生日，難得回港，故相約翠翠飯敍，難得兩位出到嚟，相信大家都係話當年，翠翠留言：「2005年香港小姐和2005年香港先生。。冠軍。。」而亦有唔少網友指呢張合照相當難得，大讚兩位冇咩點變！