佘詩曼貼中內地高考題目　咁把炮？

現時內地正進行全國高考，唔少考生為入讀心儀大學，努力咁積極備戰，今日正值考中文嘅第一日，藝人佘詩曼尋日喺社交網上載靚靚獨照一張，深情發文：「你喜歡照鏡子嗎？照鏡子要善於發現自己，也要懂得自己，找出影子與方向！」

點知同今日中文卷三其中一條作文試題差唔多意思，令唔少網友大呼驚訝，指佢係大家嘅「貼題王」，故唔少學生紛紛留言，叫佘詩曼快啲再幫手「貼題」，希望可以「拯救」多啲學生！