激罕大解放！歐陽妮妮比堅尼上陣晒Body

台灣女星歐陽娜娜胞姐歐陽妮妮，除了幕前工作外，更創立個人服飾品牌，百足咁多爪！身兼多職嘅佢，近日終於可以忙裏偷閒，抽空與友人到墾丁度假。

難得可以放假休息，佢都盡情「大解放」，以水着Look上陣拍寫真留念，佢喺社交網晒出多張靚相，留言：「咻一下到了台灣的最南邊，這幾個月忙品牌忙的都沒時間好好放鬆，想說來計劃一個小假期，訂了幾間看好久的民宿，跟着姐妹開車哺哺就下來了！」見佢換足兩套泳衣，先以粉紅色一件頭泳衣騷長腿，之後再換上黃色花紋比堅尼，激晒驕人上圍，相當養眼！