林盛斌變阿仔玩具遭狂Un　張振朗嘲：有其父必有其子

藝人林盛斌（Bob）近日受疫情影響，暫時停工未有動向，呢排有番多少少工作嘅佢，喺社交網透露做完成日嘢返屋企，諗住喺張床休息吓，點知竟然慘變成囝囝林道申（Jaye）嘅玩具！

見Jaye坐喺佢個肚腩上面一臉冧豬攬實阿Bob，但之後起勢咁「Un」，而Bob瞓喺到完全唔郁，發文表達出無奈之情：「其實我做咗成日嘢真係好攰，你畀我抖吓啦，唔好咁啦..........」身為好友之一嘅張振朗即留言暗寸對方：「有其父必有其子，你個仔學有所成！」