有圖斷正！魯敏宇為綾瀨遙賀牛一撐枱腳

35歲日本女星綾瀨遙日前被爆同細一歲的34歲韓國男星魯敏宇秘密拍拖兩年，不過雙方事務所否認，只承認是普通朋友關係。不過，有日本雜誌翻炒去年一篇採訪，拍到魯敏宇為綾瀨遙賀牛一，該雜誌今日刊登魯敏宇現身的圖片，有圖為證，關係殊不簡單。

去年3月中晚上7時左右，綾瀨遙與女友人相約到東京廣尾一家高級烤肉店飯局，5分鐘後，戴黑框眼鏡的魯敏宇乘車抵達，兩小時後，魯敏宇獨自先行離開，並立即戴上口罩。綾瀨遙後腳走出，一臉笑容，環顧四周才離去。當晚是綾瀨遙34歲生日前夕，魯敏宇是專程為遙妹提早慶祝牛一。

據知兩人於4年前透過樂隊One OK Rock成員Taka介紹而認識的，兩年前魯敏宇退伍後，於去年3月往東京工作再同遙妹重聚。而遙妹承認去年同魯敏宇飯局，但有一年多無見面。