林秀怡上車靠男友幹：儲到錢就結婚

藝人林秀怡為蔚雨芯創立的美容品牌周年晚宴擔任司儀，有開網店賣美容產品的她，揚言以對方為學習目標，不排除有合作機會。久未於電視上露面的她，透露有份主持的無綫節目《我要做業主》，將於七月底播出：「其實我未完約，仲有4、5年約，大家都以為我走咗。（覺得公司失平衡？）近年都忙緊自己生意，最近有節目做已經好開心，同埋公司太多靚女，肯要我已經好好，我成個男人咁。」

提到最近她成功上車置業，她稱靠「男友幹」：「人哋靠父幹，我就靠男朋友，佢畀首期之後一齊供。一年後收樓就會同居。（打算幾時結婚？）原本想30歲前，但依家押後到35歲前，唔好逼自己太緊，儲到錢就結。」