裸照疑雲！候選港姐麥淑螢：有意識情況下冇影過

今年多位港姐入圍佳麗被爆「黑歷史」，當中26歲麥淑螢（Mary）被讀者爆料指與男友人涉及多宗金錢糾紛，更疑似裸照流出遭勒索！

Mary表示3、4年前已經報過警，佢之後再接受東網訪問時直言前男友曾將照片Send畀佢公司及身邊人，不過佢就唔肯定相片真偽，唯一係確定佢喺有意識或者自願嘅情況下影裸露照片：「前男友曾將這些照片發給我的公司及身邊朋友，我三、四年前亦曾經因為這些照片被勒索而報警三至四次。至於相片真偽我不確定，但係我好肯定我從來都冇喺有意識或者自願嘅情況之下拍過這些裸露照片。」

而稍後，Mary亦於社交網上載自拍短片，當中提到「煩惱事情真多，究竟要玩多久」似乎間接回應被爆料一事。事後，佢再晒出到酒樓歎點心嘅照片，相信已回復心情。

曾與她傳緋聞的富二代陳嘉華接受訪問時表示對此事知情，他說：「我知道呢件事，之前佢私下有同我訴過苦，佢都係受害人，佢好慘。我識咗佢好多年，佢係好女仔，係個比較單純同簡單嘅女仔，希望唔會影響到佢參選。」

當年曾陪Mary報警兼簽過她做藝人的前卡拉OK老闆娘劉麗萍對此表示：「4、5年前簽佢嘅時候，已經有人喺社交網站搵我又寄信去我間卡拉OK，畀咗啲相我睇，叫我唔好捧佢，否則就會將啲相發出去，我冇理佢，Mary話對方寄埋啲相畀佢家人，所以我就同佢一齊去報警備案。後來有人仲將我旗下藝人嘅頭像移花接木落裸女度。Mary十八歲就跟我學唱歌，我識咗佢好多年，佢好乖而且又孝順，唔希望呢件事影響到佢。」