拍拖唔夠一年　碧咸21歲大仔同《變形金剛》25歲女星訂婚

英國前球星碧咸（David Beckham）與「辣妹」Victoria的21歲大仔布魯克林（Brooklyn），與出身豪門的《變形金剛：殲滅世紀》（Transformers: Age of Extinction）25歲美國女星妮歌娜佩絲（Nicola Peltz）傳出訂婚！

布魯克林與妮歌娜上年10月開始拍拖，最近因為新冠肺炎疫情，布魯克林留在美國與妮歌娜同居隔離，感情發展更加深厚，布魯克林被爆更已向妮歌娜求婚成功。知情者透露：「布魯克林已經同洛杉磯嘅朋友講佢同妮歌娜訂咗婚，喺佢哋圈子已經通晒天，佢哋糖黐豆咁樣。碧咸夫婦已經認同咗個關係，成家都為布魯克林感到好開心，因為佢之前幾次拍拖都唔愉快，今次佢哋覺得佢終於有着落。」

布魯克林之前曾與23歲美國女星嘉兒莫蕊茲（Chloe Moretz）與23歲英國女模Hana Cross拍拖。