激！陳國峰做全裸奶爸？網民：做咩唔着衫褲

育有兩子嘅陳國峰，一得閒就會留喺屋企做湊仔公，減輕老婆Wing負擔！尋晚佢仲做埋「奶媽」，留言話：「阿哥成日睇我餵細佬，佢又話想爸爸餵吓喎！」見佢抱住大仔Regan，Regan就好Enjoy咁揸住奶樽飲奶奶，不過重點就落喺國峰身上，佢竟然全裸上陣？

事關仔仔咁啱遮住佢個「三角」位，唔少網民都問佢係咪冇着褲「你有冇着褲㗎？」、「咁即係你有冇着呀？」、「做咩唔着衫褲？」佢就叫大家幻想吓，不過仔細睇係有嘅！有又人話好懷念佢以前副好身材，睇嚟國峰都覺得自己走咗樣，佢答：「好快返嚟！」