婚戒勁搶鏡！許志安深夜自彈自唱《愛的箴言》

歌手許志安去年4月爆出偷食黃心穎，背妻出軌，潛水反省仲閂埋社交網閉關。直至今年5月，佢終於復出樂壇，社交網都開番，不過就唔算更新得好密，而今日凌晨佢難得更新，佢上載一段自彈自唱羅大佑嘅《愛的箴言》片段，留言「喜歡的歌」。片中嘅佢拎起支結他，唱出「我將真心付給了你…將悲傷留給我自己…愛是沒有人能了解的東西…愛是永恒的旋律…」寂寞又帶點哀傷，似乎非常感觸，唔少圈中好友都留言支持佢大讚好聽，包括雷頌德、方力申等等…

而當中佢手上隻婚戒就非常搶鏡，有網民留言：「重點不是首歌，而是手上的戒指❤️」但都有網民唔Buy，仲爆粗話：「隻戒指真係好。。。好X刻意。得啦～知你係人夫喇，都好～提醒自己唔好再搞搞震喇。」