陳奕迅心情靚爆現身紅館拜神　燒豬唔敢食落口？

歌神陳奕迅（Eason）今日在紅館舉行網上直播慈善音樂會的「日落場」，下午4時，心情輕鬆愉快的他身穿深灰色Tee配黑褲、戴上口罩現身紅館後台進行拜神儀式，雖然地點保持神秘，但現場仍有約十個fans冒名而來。他一出來就跟大家揮手，之後誠心上香、親自斟茶奠酒、化寶，期間因現場很曬，他多次做手勢提大家擔遮，以防曬親。

之後他就與大會及經理人一起切燒豬，本身他攞住一塊燒豬，但就沒有食到，之後助手就遞消毒搓手液讓他清潔雙手，臨走他跟大家揮手講再見後就返回紅館，整個過程約十分鐘。

另外，此是疫情下紅館首次重開做騷，故措施較嚴格，如設消毒通道、嚴禁進食、填健康申報表、規定全程戴口罩、記者在房內8人一組共坐睇電視直播等。