羅志祥又嚟料　今次玩單人運動

台灣舞王羅志祥被爆荒淫史，潛水兩個多月後日前終於現身，孖住毛弟、王子（邱勝翊）等圈中好友打籃球，一於狂做運動操弗密謀復出。呢日佢再次蒲頭做運動，繼之前打籃球、乒乓球和高爾夫球後，今次再挑戰衝浪！

佢喺社交網上載多張衝浪照，不過今次就未有露面，只以背面示人，並展示出背部嘅紋身圖案，見其背肌結實，加埋一身古銅膚色，Man到爆狀態大勇，似乎已準備好以最佳狀態復出！