個樣勁愁　伍富橋第一次吊威吔吊足7次

星夢歌手伍富橋喺無綫熱播劇《殺手》入面，飾演陳豪嘅年青版。其實拍攝過程真係好辛苦，仲要付上人生第一次拍吊威吔場面，真係唔可以掉以輕心。佢喺社交網上載喺台灣取景拍攝嘅過程，見佢拍攝前都話好緊張，仲顯得一臉愁容。然後見佢喺一幢唐樓上面慢慢咁吊落地面，真係膽少啲都唔得，好在最後都順利完成，佢話：「緊張都正常嘅，就係咁樣吊左（咗）6-7次，真心辛苦晒威也（吔）組嘅同事，同埋武指嘅耐心指導。」

不過雖然辛苦，但有機會同一班咁專業嘅工作人員合作，都係開心事嚟嘅，見佢一大班人一齊食飯，終於展露出笑容，佢話：「殺手都要食飯，好掛住台灣嘅『素』便當。台灣好多素食呀。」