Cardi B用辱華字眼形容妹妹眼細扮傻拒道歉

美國饒舌天后Cardi B昨日上載她與老公Offset的合成照，並留言說：「呢個就係女兒Kulture Kiari Cephus個樣？我鍾意。」Fans留言回應指張合成圖似Cardi個妹Hennessy，Cardi即回應認為因為妹妹與Offset以及女兒一樣有雙「鳳眼」（chinky eyes），寸中國人眼細。Cardi被Fans指正後於社交網言回應仍死撐，扮傻話唔知「鳳眼」係種族歧視字眼，仲發爛渣爆粗指自己唔係用嚟侮辱人，仰話自己已厭倦亙聯網。事後Cardi與Fans都將留言刪走。

查實今次已非首次Cardi得罪中國人，3月時她已拍片爆粗大鬧中國傳出新冠肺炎病毒。當時她說：「等我同大家講，好老實，我有啲驚。呢壇X嘢令我好恐慌。我唔明啲X嘢點樣由武漢出嚟，跟住就去X咗世界巡迴。話你知，好多嘢都係中國嗰度嚟，所以如果大家想知點解啲XX假髮同XX時裝包裹未送到嚟，係因為新冠肺炎！新冠肺炎！」