汪峰囡囡亭亭玉立　仲高過章子怡

國際影星章子怡同老公汪峰，呢日帶囡囡醒醒、繼女汪曼熙（小蘋果），一齊去郊外遊玩，親親大自然，好好享受天倫樂。章子怡喺社交網晒出一家四口摘桃嘅相片，相片小蘋果已長得亭亭玉立，仲高過章子怡！

早前被傳再懷孕嘅章子怡，着上黃色T-shirt一身Casual Look，腰身及四肢都非常纖瘦，一臉慈母模樣同囡囡醒醒錫錫，畫面溫馨。佢留言：「周末帶孩子們進山里摘桃子，摘着摘着就都飽了！沒想到，北京的黃桃這麼香甜。」汪峰賣口乖：「被三位美女簇擁着絕對比桃兒甜！」