咀楊明有陰影！李佳芯「初吻」留下心理創傷

藝人李佳芯（Ali）於無綫熱播劇集《殺手》中扮演貪錢單親媽媽「Cash」入型入格，被睇好再封「視后」。雖然佢加入無綫短短幾年間已榮升女一，但其實入行初期曾因拍劇造成陰影，佢自爆螢幕初吻留下心理創傷，而佢嘅螢幕初吻就喺2014年《單戀雙城》中獻畀楊明。

Ali之所以話有創傷係因為當時身為「御用小三」嘅佢，第一次拍劇就要主動狂咀已有未婚妻嘅楊明，的確好有難度，佢表示：「第一次開鏡就要攬住楊明不斷錫，當時心理創傷幾大呀，話晒人哋都係女仔人家！」不過就有好多網民都話好羨慕楊明呀！