胡鴻鈞整Cake進步神速　唔通有幕後功臣？

歌手胡鴻鈞（Hubert）早前拍片挑戰整蛋糕，全程雞手鴨腳，最後製成品不但賣相欠奉，就連佢自己試食完都忍唔住食到喊，簡直係災難級！

不過佢未有因此放棄，呢日再接再厲，挑戰整芝士流心撻，更將難度升級，嘗試只睇一次食譜就開始製作，認真大膽！見佢吸取咗上次經驗，成個流程都順暢得多，話咁快就整好，賣相更拍得住蛋糕店質素，而同場嘅蛋糕師傅試食都大讚好食，估唔到闊別一時廚藝已突飛猛進，真係脫胎換骨！