董璇再拖新仔示眾　高雲翔朋友圈高呼放唔低

大陸男星高雲翔2019年7月與老婆董璇離婚，最近37歲董璇疑似撻着30歲演員蘇小玎，二人更被拍得手拖手同搭住膊頭去酒吧，惟二人未有正面回應緋聞。點知相隔不夠一周，二人又再孖住出動，除同樣疑似手牽手去酒吧，今次男方更進一步疑似將手放女方腰上！

另一邊廂，單身又冇Job嘅落寞高雲翔，就被發現喺董璇被爆新戀情後，竟然將朋友圈Profile寫上「放不下、看不透、忘不掉、捨不得」令人揣測係咪仍對董璇念念不忘，更發文謂：「相信自己，你就成功了一半」眾人關係撲朔迷離。