Baby池邊望仔仔游水 小海綿正面曝光似足黃曉明

20200713
東網電視
更多新聞短片
夏日炎炎,Baby帶小海綿去游水消暑。
女星Angelababy(楊穎)自回復自由身後,多咗時間陪伴仔仔小海綿,近日有網友發現佢帶咗仔仔去泳池游水,見Baby着住浴袍坐喺池邊櫈上,未有落水,遠望住游水緊嘅小海綿,而仔仔則由保母陪住。網友指小海綿活潑精靈,樣貌似足爸爸黃曉明,另有網友搵番黃曉明童年照作對比圖,無論下巴、面形甚至髮型都似到十足十,真係有其父必有其子!
其實Baby唔係第一次被拍到帶仔仔去游水,之前與媽媽一同前行,見周圍環境係落地玻璃,似乎係佢位於上海能遠觀東方明珠嘅億元豪宅嘅會所,果然唔使出街都享受到優質生活呀!