郭子豪公開認係女友　鄧卓殷甜爆讚有勇氣

藝人鄧卓殷（Amber）出席明珠台活動《絕色星期二：野性超感官》記者會，港姐出身的她，透露有留意今屆佳麗，大讚眾女質素平均，既上鏡又標青，身形亦頗為高佻，對於已有幾位佳麗宣布退選，Amber也大感可惜：「呢個係一個好好嘅挑戰自己嘅平台，如果個人理由參選唔到，就下年再參加過啦！」更指參選港姐後，面對鏡頭時自信大增，亦感恩近期劇集與綜藝節目均有份參與。

談到郭子豪近日公開承認與她的戀情，Amber坦言當日獲悉也感突然，但另方面亦感甜蜜：「其實佢要咁公開講感情生活係需要好大勇氣，以前都覺得如果畀人影到就公開，訪問入面佢講感謝我嘅說話，係Sweet嘅。（地下情咗幾耐？）都一段時間，依家公開咗就唔需要再避忌，冇咁大壓力。（子豪同前女友嘅感情事搞清楚晒？）我哋一齊嘅時候，大家都係單身嘅。」