本日日本：《足球小將》40周年 意大利名錶廠搞聯乘
20200714
東網電視
更多新聞短片
為迎接《足球小將》40周年大日子，意大利著名品牌LOCMAN於7月28日推出聯乘手錶，值得粉絲留意。（互聯網）
經典足球動漫《足球小將》（又稱《隊長小翼》），相信唔使多介紹，原來呢套作品即將迎接40周年大日子，當然唔少得趁機推出聯乘產品慶賀一番！作為風靡世界各地嘅名作，聯乘嘅品牌自然亦夠國際化，新鮮熱辣有意大利嘅著名品牌LOCMAN於7月28日推出聯乘手錶。簡單講採用該品牌嘅著名錶款「1960」為藍本，特別之處係錶面印上《足》主角戴志偉嘅招牌射波甫士，而錶帶則採用南葛嘅鮮藍色，感覺夠晒親切又富紀念味道，粉絲應該會收貨。加上此錶僅推出100隻，並附有順序號，多添幾分矜貴。7月28日起可於日本Soccer King Shop、LOCMAN Offical eStore及LOCMAN銀座本店發售，而即日起至7月27日可率先到網站預約，預約嘅朋友可以選擇順序號，而且頭20位預約的朋友，包裝盒上更可獲得《足》作者高橋陽一嘅親筆簽名。售72,800日圓。