【黑氣纏身】莊思明炒電單車應驗血光之災

藝人莊思明早前拍外景時被偷去手袋兼被盜用信用卡，損失近8萬元，豈料禍不單行，呢日佢揸電單車時更不慎受傷致流血，認真黑氣纏身！

佢喺社交網晒出兩張手踭流血嘅照片，並留言無奈表示：「之前畀人偷咗個袋就當破財擋災，今次因為自己論盡，揸電單車時一時疏忽跌落嚟，搞到擦傷就當應驗咗個血光之災，好彩只係皮外傷，大家放心，我冇事。我相信我好快就行運啦因為咩衰嘢都過哂，yeah！」