無鼻樑最痛！王菀之被誤會無正確使用口罩

新冠疫情肆虐，口罩已經成為香港人每日嘅必需品。不過，點樣正確使用口罩，王菀之就透過社交網教大家。佢話口罩上面條鐵線係需要沿住鼻樑位按落去先有作用，不過，佢就話曾經有人同佢講：「要㩒（撳）埋鼻樑條鐵線㗎！」令佢不得不伸冤話：「留意番，㩒（撳）咗。」點解有咁嘅誤會，原來佢天生鼻樑唔夠高，就算按咗條鐵線落去，都無輪廓出到嚟，咪畀人誤會佢未按落去囉。

佢仲上載兩張圖片畀大家望真啲，佢話：「誠邀有共鳴嘅朋友，喺度揮揮手。」佢又自稱係「無眉娘」個姊妹，叫「無鼻樑」，仲話：「鼻樑係一樣永遠睇中嘅眼鏡都冇嘅嘢。」