養4個小朋友撈唔掂　「亞視謝霆鋒」伍偉樂轉行揸巴士

有「亞視霆鋒」之稱嘅藝人伍偉樂，自早年亞視熄機後回復自由身，便大幅減少幕前工作，只於2018年曾亮相ViuTV主持世界盃節目。近日佢喺社交網上載一張巴士職員證，透露已經轉行從事巴士司機，佢留言：「上帝早已預備，人生係有說明書，使命與目的。」

據知佢自離開亞視後，以擔任婚禮司儀、活動主持等為主，直至近日因疫情令大部分活動取消，故轉行另謀出路。而翻查其社交網，其實佢現時已經係四個小朋友嘅爸爸，難怪要轉行養家。