楊千嬅晒21歲舊照　仔仔問：who is she？

藝人楊千嬅於1995年參加第14屆新秀歌唱大賽奪得三甲入行，轉眼間今日係佢出道25周年，佢喺社交網晒出當年舊照及表演片段，當時21歲嘅佢樣子青澀。千嬅仲指囝囝Torres見到呢啲舊相，竟然唔認得自己媽咪，佢問：「Mom, who is she？」搞到千嬅哭笑不得。

佢留言感性表示：「由少女到中女，笑中有淚，淚中帶序，我人生算是盛載很多眼淚的一位女歌手了。（水瓶座音樂此時響起）跟着時代巨輪走到現在，從來沒有想像過，一剎那，一個疫情可以改變整個世界。人生中經歷過的不管好與壞，成功或失敗，開心與傷心，一切都是珍貴的，活着很感恩。」續指期待疫情完結後再慶祝：「疫情仍然嚴峻，日子不好過，我們一起齊心抗疫，不要鬆懈！努力堅持，身體健康，期待下次一起慶祝「大壽」