爆過黑絲Look！江美儀變小丑女　黃翠如：正到頂點

現年48歲嘅江美儀喺熱播劇《殺手》飾演一樓一鳳姐，而呢套劇係佢拍劇以耐最多造型嘅一次，繼俏護士、學生妹等等後，尋晚終於出現新Cosplay，就係小丑女喇！

之前講過話小丑女造型比起代表作《名媛望族》嘅黑絲Look更出位嘅佢，喺社交網上載多張相及變身過程片段，留言：「呢輯相擺咗兩年終於可以post啦?」化晒濃妝、戴上假髮、着埋漁網絲襪，真係相當「爆」！唔少網民都大讚好索同型，直言係「Asian Harley Quinn」，連黃翠如就話：「正到頂點～」