陳偉琪「峰」騷趷籮　胡定欣屋企騷肩

夏日炎炎，熱愛運動嘅「細龍太」陳偉琪無懼疫情，孖住男性朋友Edmund，喺社交網透露朝早五點去玩直立式槳衝浪，出名身材好嘅佢，着上三點式大騷身材，雖然一早起身，但見佢精神相當唔錯，見佢玩得有板有眼之餘，仲喺Edmund面前趷籮，非常風騷。

而另邊廂「視后」胡定欣，則選擇留喺屋企嘅露台曬太陽，雖然留喺屋企，但定欣呢個曬太陽Look絕對唔Hea，換上吊帶背心嘅佢，大晒香肩，仲戴埋頂草帽，造型感十足，她留言：「夏天到了，所以瘋狂愛上草帽！呢段時間，屋企露台曬住先!~」唔少網友大讚唯美感十足，影到咁靚，佢唔講都唔知原來喺屋企影。