湊仔加讀書太忙？黃浩然太太偏頭痛要插喉吸氧氣

藝人黃浩然今年初轉投古天樂旗下，目前身處於橫店與林峯、方中信、郭政鴻等合作拍攝新版《倚天屠龍記》，至今已拍攝近3個月。而太太莫家嘉（KaKa）則身處香港母兼父職，除咗照顧兩個分別9歲同7歲嘅囝囝，又要修讀法國烹飪課程，同時兼顧湊仔讀書似乎力不從心，尋日佢喺社交網上載一張插喉吸氧嘅自拍，略顯疲態，佢仲留言：「當身體去到一個極限的時候...她會很努力的去告訴你，我....一次又一次收到警告了......是時候停下來.......？偏頭痛的日子又回來了。」圈中好友周柏豪、黃翠如、胡定欣等都叫佢要小心身體！