蔡卓妍做意粉廚神　由搓麵團開始！

全城留家抗疫，唔少人都喺呢段時間廚藝突飛猛進，個個變晒「疫境廚神」，藝人蔡卓妍（阿Sa）都唔例外，最近佢頻頻下廚，繼之前挑戰完腸仔包、麻薯波波等麵包糕點後，呢日佢再將難度升級炮製意粉！

佢並唔係用現成意粉咁簡單，而係由搓麵團開始由零整起，相當犀利。見佢成功整出幼滑嘅意粉，配埋醬汁，賣相非常吸引，佢亦好滿意製成品並留言：「第一次由零開始整意大利粉，好好味呀！」