新居曝光！馮盈盈用番舊愛巢梳化地氈唔浪費

前港姐冠軍馮盈盈早前同醫生男友鍾文浩（寶寶）分手，昔日愛巢已經放租，回復單身嘅佢，有傳佢租住深水埗新盤，展開獨居生活。

近日藝人鄭丹瑞（阿旦）為網絡劇及微視頻，進行演員面試，估唔到盈盈係阿旦嘅學生，身為師姐嘅佢，喺屋企拍片演繹「一句對白多種演繹方式」，因而令新居曝光！見盈盈只係集中喺客廳拍攝，廳內擺放唔少雜物，而亮點係盈盈秉承慳妹精神，將昔日愛巢嘅梳化同地氈帶到新屋，獲網友大讚唔浪費。