舊情人要結婚　姜麗文拒與鄭俊弘合唱

姜麗文晚上在將軍澳電視城為節目《流行經典50年》錄影，她與譚嘉儀合唱《千千闕歌》。姜麗文與「前度」鄭俊弘碰面，問為何不一起合唱？她說：「點解要合唱，No。其實我都好耐冇上台唱歌，所以一上台就覺得好感動。（同鄭俊弘同場尷尬？ ）唔會，都試過台慶同場。（以前嘅事已經放低晒？）Yes，佢就嚟結婚，我亦就快結婚，同埋都過咗好多年，冇任何負面嘅嘢。（將來合唱？）工作係工作，我哋都係專業嘅。」

姜麗文又透露原本計劃今年自資推出兩首新歌，但因疫情將延期。問疫情下出歌可擔心蝕本？她說：「唔會諗呢啲，反而係睇時機。」