【老是常出現】《愛．回家》許家傑感謝兩個人

藝人許家傑憑《愛‧回家之開心速遞》送水輝一角上位，最近更經常在不同劇集中出現，好似《機場特警》，以及即將播出嘅《反黑路人甲》，其中《機場特警》嘅宋天機，都相當受到觀眾注目，早前，《愛‧回家》就將「送水輝」同「宋天機」安排在同一集出現，當然其中一個會搵替身去拍，之後再加番CG，不過，許家傑為了感謝兩位幕後功臣（因今次用了兩個替身），特登在社交網介紹番係訓練班出身嘅鄔嘉駿同陳銳峰，相當窩心。

許家傑接受東網訪問時：「佢哋都係訓練班出身，我以前都試過做見唔到樣嘅替身，所以好明白箇中嘅感受，所以，好想大家都知道佢哋用心嘅演出，雖然見唔到樣，但都非常畀心機去演，希望為佢哋加油！（以前曾經替過邊位藝人？）沈震軒拍《使徒行者》嘅時候，因為佢受咗傷，導演搵咗我做過文替。」