溶妝嚇親人！黃曉明素顏拍片　捽鼻力證無添加

內地男星黃曉明早前拍綜藝節目《中餐廳》其中有個食飯鏡頭，被指溶妝，搞到唔同晒樣，令人吃驚！講到「變樣」，黃曉明即時行動澄清，拍素顏片畀大家睇個夠，仲刻意捽鼻話畀大家知，個鼻係天然無添加。

佢話：「《中餐廳》播完啦，好多網友問過素顏長甚麼樣子？」然後佢將塊面左擰擰，右擰擰：「就這個樣子，看了20多年了，辛苦大家繼續湊合着看吧！」