趙又廷高圓圓視像Sweet爆放閃　林更新呷醋報仇

大陸男星趙又廷同高圓圓結婚6年，2019年5月榮升父母，囡囡Rhea出世！兩公婆一直愛得低調，唔少網民都好奇究竟佢哋係點相處，尋日趙又廷好友林更新就公開兩人私下Sweet爆一面！

林更新喺社交網上載多張佢同趙又廷合照，不過重點係「第三者」！原來趙又廷去探班，但就掛住同妻女視像，趙又廷仲對住個Mon嘟嘴扮鬼臉，搞到林更新勁無奈，留言：「這人愈來愈醜了，愈醜愈愛出門。醜就不要來探班，影響人家心情。」由於林更新刪走高圓圓個樣，網民都問「高圓圓不配出鏡嗎？」林更新就話：「她適合模模糊糊」，網友都笑言佢呷醋呀！