【你又試過未？】崔碧珈氣炸鍋炸月餅香蕉

藝人崔碧珈（Anita）樣靚身材正，為咗保持身材苗條，佢平時對自己嘅飲食控制非常嚴格，但偶然都會破例一吓獎勵自己食甜食。

由於疫情關係，大家都留家抗疫，減少外出用餐，Anita亦唔例外，最近佢頻頻下廚，不過就選擇咗用最方便嘅氣炸鍋去炮製美食，Anita拍片示範，但係佢嘅材料並唔係雞牛豬，佢話要搞搞新意思喎，佢話：「今日試吓兩個新菜式，平時好多人喺屋企都會用氣炸鍋，但究竟有冇試過炸月餅同炸香蕉呢？」

做法相當簡單，Anita只係將月餅同埋剝咗皮切好嘅香蕉，直接放落氣炸鍋，佢試食完都忍唔住笑，似乎都幾滿意：「熱辣辣好好食，大家不妨試吓呢兩個菜色。」今次嘅難度指數係零，好有小學雞Feel，睇嚟Anita想騷吓廚藝，下次應該要挑戰啲高難度嘅嘢先得喇！

想Share正片？Email過嚟：

bunfun@on.cc