當囝囝係啞鈴練腹肌　蔣怡湊仔操弗一舉兩得

現年43歲嘅名模蔣怡（Coco）育有一子一女，但依然Keep住火辣身材，完全睇唔出已為兩個小朋友嘅媽媽。今年簽約邵氏嘅佢，最近更有份參演邵氏網劇《飛虎之壯志英雄》，當然要開turbo操弗個body，以最佳狀態拍劇，呢日佢就拍片公開絕密嘅Keep弗秘方，原來全靠囝囝幫手！

片中見佢坐喺梳化做抬腿動作練腹肌，最大嘅亮點就係囝囝坐喺其美腿上，將囝囝當負重，實行邊湊仔邊做運動，真係一舉兩得。Coco都表示呢個方法非常有效，笑指：「腹肌就是這樣練成的。」