等緊汪峰送！章子怡豪晒過億首飾畀囡囡睇

內地女星章子怡近日為雜誌影靚相，湊女嘅重任自然就落喺老公汪峰身上，做「帶女洪郎」嘅汪峰帶囡囡去探媽咪班，而見到老公同女兒醒醒出現，子怡即笑到見牙唔見眼。

章子怡喺社交網晒出短片，一家三口喺化妝間好溫馨。子怡着上露肩晚裝，外披西裝外套，一副開工Look嘅佢，一見女兒即媽咪上身，立即將囡囡一擁入懷，汪峰仲送上愛心餐，並即場替老婆按肩同錫錫，令章子怡冧到爆燈，子怡睇住女兒嘅眼神特別溫柔，醒醒更索性坐在媽咪大腿上，汪峰並從後攬着子怡，構成一幅三口幸福滿瀉的畫面，網民大讚好甜蜜。期間章子怡更向囡囡展示即將佩戴影硬照價值過億嘅首飾，囡囡除咗讚靚之外仲話鍾意，章子怡借勢問囡囡如果媽咪想要首飾應該叫邊個買，叫得做「醒醒」果然係叻，即刻答「爸爸」令全場大笑！