暴瘦22磅變排骨精！羅志祥開腔回應復出

台灣舞王羅志祥（小豬）被內地網紅舊愛周揚青「毀滅式」分手後，小豬一直低調未有公開露面，早前有傳佢同周揚青復合，不過近日又有網民發現小豬已狠刪對方社交網，粉碎復合傳聞。

尋日，有台媒影到小豬與好友到內湖飯敍，以一身all black造型上陣嘅佢，雖然戴住口罩，但已見得佢消瘦唔少。事後小豬承認瘦咗10kg（22磅），至於何時復出？佢就話目前想陪吓家人。小豬「潛水」呢幾日月積極做運動，不時晒出打籃球、衝浪、打高爾夫球嘅相，寄情於運動，為復出作最佳準備。