【繽FUN主播室】《殺手》結局勁催淚！黎耀祥難逃一劫

劇透一向都係大忌，但係藝人黎耀祥竟然冇有怕，自爆喺無綫劇《殺手》嘅最後下場，搞到龔嘉欣都嬲嬲豬，仲話黎耀祥係想大家睇佢死喎！呢句係咪語帶相關先？始終江湖上有句說話叫做「劇透死全家」呀嘛......而龔嘉欣亦話今次係佢演技大挑戰，因為場戲個喊法係監製畀佢嘅大考驗！

好多人都會趁大時大節或者特別日子公開戀情，而日前生日嘅曾華倩就似乎係被動嗰個，事關佢個仔林浩賢喺社交網分享合照送祝福嗰陣，竟然揀咗張三人合照，而曾華倩仲翹到呢位「第三人」實一實，唔通阿仔想幫媽咪公開戀情？

日日有優惠有韓國Hyundai SMART LOCK智能鎖、XPower XP-F2 迷你三速USB風扇同埋台灣直送嘅喜憨兒×幾米中秋月餅禮盒，快啲睇《繽FUN主播室》啦！