楊丞琳親自落刀剪10年長髮　老公評價係…

台灣歌手楊丞琳造型百變，曾以「水母頭」風靡一時，亦試過超短髮，近年則以留長髮為主，近日佢就相隔10年，再次剪短髮示人，更拍片記錄「變髮」過程。片中佢透露今次嘅髮型係為咗新作品而剪，而剪髮時佢親自落第一刀，一口氣將頭髮剪至及肩，之後佢仲換埋髮色，漂至淺啡配墨綠色，非常有新鮮感。雖然今次全程用咗7小時，但見佢非常滿意製成品，忍唔住讚自己性感，就連老公李榮浩都罕有喺社交網大讚：「天下第一美人」，等幾耐都值得啦。