張鈞甯重操芭蕾舞　晒童年照考起網民

台灣女星張鈞甯早前為電影剪咗一頭短髮，清爽唔少嘅佢，呢日喺社交網上載幾張跳芭蕾舞嘅相，見張鈞甯跳得有板有眼，更露出一雙美腿，盡顯功架，原來佢細個有學過芭蕾舞，她留言：「重拾小時芭蕾記憶。老師分享，他這輩子學跳舞最重要的事情就是：『要站在自己的腳上』，紮紮實實的往下踩，生根，所有的生命經驗，才是真的。聽了這句話，我紅了眼框。（BTW猜出小時候哪個是我嗎？）」

而張鈞甯亦上載一張小時候上台表演跳舞嘅相，叫大家估吓邊個係佢，不過張相有番咁上下年頭，啲質素都好差，係鬆郁朦情況下除咗亂估都冇乜辦法，最終有人撞最右邊睇唔到樣嘅小朋友，點知張鈞甯回覆話呢個就係佢！