講床史獲封性女 林鈺洧被狂徒撩上床

20200809
東網電視
更多新聞短片
我行我素係型!
藝人林俊賢女兒林鈺洧早前在節目中大談性史,言論大膽出位即被封新一代「性女」。惟事後遭到網上抨擊斥她不知廉恥,更被狂徒撩上床。她無懼騷擾更獲父親力撐,令她感到安慰。
星二代女林鈺洧(Denice)憑高挑身材入行做模特兒,早前在ViuTV節目《對號入座》中大方分享性史,語出驚人即被網民稱為新一代「性女」。Denice直言自己只是敢做敢言,但並不代表對性開放,她說:「有網民抨擊我,話我不知廉恥乜都講出口。我好唔開心,因為我唔係隨便,(性伴侶)一隻手數得晒。我之前得5個男朋友,我只係節目中去分享唔同星座男伴嘅性經歷,但啲人覺得我好開放咁。其實我對男女關係好傳統,要拍拖後先可以發生關係。我講得咁興奮,係我真係有相關經驗,好似我去咗個悠長假期返嚟,同大家分享個假期,係幾咁開心愉快。」
節目出街引起外界很大回響,她直言多了很多粉絲和支持者,但亦收到不少網友的「有味」私訊,她說:「自己都覺得吸引力大咗,但曾收過『我可以讓你翻天覆地,流晒汗,』、『聽說你很大吃』呢類型說話。」問到如何處理,她表示沒有回覆亦沒有理會,她說:「話我大食,係,我好鍾意食零食。呢個世界真係咩人都有。」問到父親有否不滿她大談性史,她說:「我有同佢講過我有個新稱號叫『性女』,叫佢唔好介意,佢反而話『我冇所謂,你咪大方啲去講,呢啲冇咩嘢,你又唔係去搶人老公,唔係周圍玩one night stand,又唔係做啲缺德嘅嘢,好多騷都講呢啲題目。」她直言得到父親安慰,令她舒服了很多減少了不少壓力。
場地:浪潮音樂室