伍倩彤行Show照戴罩夠安全 要靠眼神交戲

20200810
東網電視
更多新聞短片
加油!疫境都要自強!
有「嫩版張曼玉」之稱嘅邦民女伍倩彤(Gillian),早前獲邀於商場行Catwalk show,一口氣換足多個造型,配合唔同嘅場景設計,吸引不少攝影發燒友到場狂影。由於正值疫情,Gillian都罩不離身,即使正式行Show時都繼續戴實口罩,防疫措施做到足,絕不違反口罩令,而佢換唔同造型時,亦會襯上同一色系嘅口罩,相當有心思。
講到戴口罩行Show,Gillian表示係第一次:「感覺都幾特別,要靠眼神交戲。」至於問到疫情有冇影響收入,佢就坦言:「當然有,同失業冇乜分別,依家係食緊老本,活動方面有九成都取消咗,限聚令拍嘢又要申請,所以影響都好大。」